Yfirheyrslur hafnar vegna morðsins í Hafnarfirði

Lögreglan er byrjuð að yfirheyra þrítugan mann, sem er í hennar haldi, grunaður um að hafa verið valdur að dauða jafnaldra síns við Dalshraun í Hafnarfirði í gærkvöld.

Friðrik Smári Björgvinsson, yfirlögregluþjónn í rannsóknardeild, segir að ákvörðun um gæsluvarðhaldskröfu yfir manninum verði tekin þegar búið er að yfirheyra manninn í dag.

Maðurinn sem er í haldi lögreglunnar býr í íbúðinni þar sem hinn látni fannst. Hann var blóðugur og í annarlegu ástandi þegar lögreglan kom að.