Benzema fær ekki að fara frá Lyon

Jean-Michel Aulas, forseti Lyon, hefur lýst því yfir að framherjinn eftirsótti, Karim Benzema, fái ekki að yfirgefa herbúðir félagsins í sumar.

Benzema er með eindæmum eftirsóttur leikmaður og meðal þeirra liða sem hann hefur verið orðaður við eru Man. Utd, Inter og Real Madrid.

„Ég hitti föður hans og umboðsmann í byrjun vikunnar. Við töluðum lengi og það er satt að fjöldi liða vill kaupa hann en við munum ekki íhuga sölu fyrr en eftir HM á næsta ári," sagði Aulas.

„Þetta var staðfest við umboðsmann hans og sala er ekki í spilunum," sagði Aulas.

Svo er að bíða og sjá hvað gerist þegar freistandi tilboð berst inn á borð til Aulas.