Fabregas vill vera áfram hjá Arsenal

Cesc Fabregas, leikmaður Arsenal, reyndi að gera lítið úr þeim orðrómum að hann væri á leið frá félaginu nú í sumar.

Hann hefur einna helst verið orðaður við Barcelona sem er hans uppeldisfélag. En Fabregas sagðist vonast til að hann yrði frá Arsenal í mörg ár til viðbótar enda ætti hann langan samning við félagið.

„Því hefur verið haldið fram síðan ég var átján ára gamall að ég vilji fara frá félaginu. En ég vona að ég geti verið hjá Arsenal í mörg ár til viðbótar og unnið enska meistara- og bikarmeistaratitla sem og Evrópumeistaratitla."

„Ég hlakka til þess því ég tel að framtíð mín sé björt hjá Arsenal."