Sviss komið á HM

Sviss náði að hanga á markalausu jafntefli gegn Ísrael í kvöld og tryggði sér þar með farseðilinn á HM í Suður-Afríku næsta sumar.

Á sama tíma vann Grikkland 2-1 sigur á Lúxemborg. Sviss varð í efsta sæti 2. riðils með 21 stig og Grikkland varð í öðru sæti með 20 stig. Grikkir taka því þátt í umspilinu í næsta mánuði.

Þetta er í annað skiptið í röð sem Sviss keppir í úrslitakeppni HM og alls í níunda sinn í sögu þjóðarinnar.

Fyrr í dag tryggði Úkraína sér þátttökurétt í umspilinu eftir 6-0 sigur á Andorra á útivelli í 6. riðli. England varð í efsta sæti riðilsins en Úkraína í því öðru, einu stigi á undan Króatíu sem vann 2-1 sigur á Kasakstan.

Fjölmörgum leikjum undankeppninni er nú þegar lokið. Hér má sjá úrslit þeirra:

2. riðill:

Grikkland - Lúxemborg 2-1

Lettland - Moldóva 3-2

Sviss - Ísrael 0-0

4. riðill:

Aserbaídsjan - Rússland 1-1

Þýskaland - Finnland 1-1

Liechtenstein - Wales 0-2

5. riðill:

Bosnía - Spánn 2-5

Tyrkland - Armenía 2-0

6. riðill:

Andorra - Úkraína 0-6

Kasakstan - Króatía 1-2

7. riðill:

Litháen - Serbía 2-1

Rúmenía - Færeyjar 3-1

8. riðill:

Búlgaría - Georgía 6-2

Írland - Svartfjallaland 0-0