Tyson: Ég vildi vera villimaðurinn í hringnum

Mike Tyson segist ekki sjá eftir neinu sem hann hafi gert í lífinu en hann hefur lifað skrautlegra og viðburðarríkara lífi en flestir.

„Allt sem ég hef gert, það góða og það slæma, stuðlaði að því að gera mig að einum besta hnefaleikamanni frá upphafi," sagði Tyson sem beit hluta af eyra Evander Holyfield og fór í fangelsi vegna nauðgunar.

„Ég hafði ekkert á móti því að vera villimaðurinn því ég ólst upp við að virða boxara sem voru villimenn. Það gerði þá nánast ómanneskjulega og ég elskaði dulúðina sem fylgdi þessum mönnum. Þess vegna héldu þeir áfram að lifa í hausnum á mér. Þeir hvöttu mig til þess að verða maðurinn sem ég síðar varð."