Edda og Ólína eru báðar í byrjunarliðinu

Edda Garðardóttir og Ólína Guðbjörg Viðarsdóttir eru báðar í byrjunarliði Örebro sem er núna að spila við Svíþjóðarmeistara Umea í opnunarleik sænsku úrvalsdeildarinnar í knattspyrnu.

Edda spilar á miðri miðjunni eins og hún gerir með íslenska landsliðinu og Ólína er líka í sinni stöðu í vinstri bakverðinum. Edda spilar í treyju númer 17 en Ólína er í treyju númer 18.

Ólína hefur verið marksækin á undirbúningstímabilinu og hún átti fyrsta skot Örebro í leiknum eftir aðeins 9 mínútna leik.