Burnley á von á spennandi lokaspretti

George Burley, landsliðsþjálfari Skota, á von á því að keppnin um annað sæti í 9. riðli undankeppni HM 2010 verði spennandi fram að síðasta leik.

Makedónía er nú með sjö stig í riðlinum, rétt eins og Skotland, eftir að hafa unnið 2-0 sigur á Íslandi í gær. Skotar eiga þó leik til góða.

Hollendingar tryggðu sér efsta sæti riðilsins og sæti á HM í Suður-Afríku með 2-1 sigri á Íslendingum á Laugardalsvellinum um helgina.

„Það lá alltaf fyrir að þessi riðill yrði spennnandi," sagði Burley. Skotar mæta Norðmönnum þann 12. ágúst næstkomandi. Nema að Norðmenn vinni þann leik eru þeir úr leik í keppninni um annað sætið, rétt eins og Íslendingar.

„Liðin sem eru að berjast um annað sæti riðilsins geta öll tekið stig hvert af öðru. Við vitum nú hvað við þurfum gera og lá alltaf fyrir að leikurinn gegn Norðmönnum ytra yrði gríðarlega mikilvægur."

Sex af sjö stigunum sem Skotar hafa fengið í riðlinum fengu þeir með tveimur sigurleikjum gegn Íslandi. Sjöunda stigið kom eftir að hafa gert jafntefli við Norðmenn á heimavelli.

„En fyrst að Makedónía vann Ísland þýðir það að við verðum að vinna þá þegar þeir koma á Hampden Park í september," bætti Burley við.