Landsvirkjun gæti orðið ríkinu að falli

Icesave lánið verður gjaldfellt standi ríkisfyrirtæki eins og Landsvirkjun eða Byggðastofnun ekki undir greiðslum á erlendum lánum sínum. Þetta kom fram í fréttum Ríkissjónvarpsins.

Upplýsingarnar komu fram á þingfundi vegna Icesave-samningsins en þar kynntu lögfræðingar Seðlabanka Íslands skýrslu um málið. Skýrslan er sú fyrsta frá Seðlabankanum en ekki var leitað til þeirra við vinnslu og undirbúning að samkomulagi vegna Icesave-samninganna.

Þá kemur fram í skýrslunni lögfræðinganna að ekki sé tekið neitt tillit þeirra fordæmalausu aðstæðna sem íslenskt efnahagslíf gengur í gegnum þessa daganna.

Þingmaður Framsóknarflokksins, Birkir Jón Jónsson, segir skýrsluna sláandi.