Robbie yfirheyrður á Bahamas

Breska poppstjarnan Robbie Williams var nýverið yfirheyrður af lögreglunni á Bahamas-eyjum í tengslum við innbrot hjá tveimur ljósmyndurum sem höfðu skömmu áður myndað fyrrum Take That stjörnuna.

Ljósmyndararnir vilja meina að þeir hafi lent í rifrildi við Williams og föruneyti hans eftir að þeir tóku myndir af honum á ströndinni.

Lögregla hefur staðfest að söngvarinn var yfirheyrður en hann mun ekki vera grunaður um að hafa brotist inn til ljósmyndaranna og rænt vinnutækjum þeirra en andvirði þeirra er metið á tæplega þrjár milljónir króna.