Ekvador lagði Argentínu

Diego Maradona og hans menn í argentínska landsliðinu urðu fyrir miklu áfalli í kvöld er liðið tapaði fyrir Ekvador, 2-0, í undankeppni HM 2010.

Margar stórstjörnur skipa lið Argentínu, svo sem Lionel Messi, Carlos Tevez og Fernando Gaga. En þrátt fyrir fjölda góðra færa í kvöld, sér í lagi í fyrri hálfleik, tókst liðinu ekki að skora. Tevez misnotaði til að mynda vítaspyrnu.

Ekvador komst svo yfir á 71. mínútu með marki Ayovi og Pablo Palacios bætti öðru marki við tólf mínútum síðar.

Fjögur efstu liðin í undankeppni HM í Suður-Afríku komast beint áfram í úrslitakeppnina. Sem stendur er Argentína í fjórða sæti, tveimur stigum á undan Ekvador. Liðið er þó aðeins tveimur stigum á eftir Brasilíu og Paragvæ sem eru í efsta sæti riðilsins. Chile er svo í þriðja sæti, stigi á undan Argentínu.

Heil umferð fer fram í nótt en tvö efstu liðin, Brasilía og Paragvæ, eigast við í Recife í Brasilíu.