Maradona: Hef ekki notað eiturlyf í fimm ár

Maradona gaf viðtal í dag þar sem hann tjáir sig um hegðun sína eftir leik Argentínu og Úrúgvæ sem og um eiturlyfjanotkun sína.

Maradona gæti átt yfir höfði sér allt að fimm ára leikbann fyrir hegðun sína eftir Úrúgvæ-leikinn en hann segist ekki sjá eftir neinu.

„Líf mitt er argentínska landsliðið. Ég hef gefið allt sem ég á til liðsins, bæði sem leikmaður og þjálfari. Ef við hefðum ekki komist í úrslit HM hefði ég verið skotinn niður fyrstur allra," sagði Maradona.

„Móðganir? Ég hef þegar beðið konurnar afsökunar. Ég túlkaði annars bara mínar tilfinningar og sé ekkert eftir því," sagði Maradona og bætti við um eiturlyfjanotkun sína.

„Það eru komin fimm ár síðan ég neytti eiturlyfja og ég stunda ekki næturlífið lengur."