Benayoun vill frekar spila fyrir Liverpool en Real Madrid

Ísraelinn Yossi Benayoun segist frekar vilja spila áfram með Liverpool en stórstjörnuliði Real Madrid.

„Eins og staðan er þá er ég leikmaður Liverpool og verð það áfram nema eitthvað mjög óvænt gerist. Ég átti gott tímabil og það hafa komið tilboð frá Englandi og Spáni," sagði Benayoun.

„Það gæti verið Real Madrid fyrir utan dyrnar en ég myndi samt frekar kjósa að spila fyrir Liverpool. Þar sem að það eru samt komin tilboð verð ég að ræða við forráðamenn félagsins," bætti Ísraelinn við.

Benayoun hefur einnig verið orðaður við Barcelona eins og félagi hans, Javier Mascherano.