Saviola orðaður við Liverpool

Samkvæmt enska dagblaðinu The Daily Mail mun Rafael Benitez hafa áhuga á að fá Javier Saviola frá Real Madrid. Kaupverðið er sagt nema fimm milljónum punda.

Saviola kom til Real Madrid frá Barcelona fyrir tveimur árum síðan án greiðslu. Hann hefur á þeim tíma skorað fimm mörk í 28 leikjum.

Saviola þótti á sínum tíma einn allra efnilegasti knattspyrnumaður heimsin og var keyptur til Barcelona árið 2001 fyrir fimmtán milljónir punda frá River Plate í Argentínu.

Hann á að baki 44 leiki með landsliði Argentínu og hefur skorað í þeim tólf mörk.