Öllum Hells Angels meðlimum heims hefur verið boðið til áramótaveislu í Hafnarfirði. Lögreglan skoðar málið.

MC Iceland, sem áður hét Fáfnir, er vélhjólaklúbbur sem vinnur hörðum höndum að því að fá inngöngu í Hells Angels, sem víða eru skilgreind sem alþjóðleg glæpasamtök. Inngönguferlið hefur tekið langan tíma og eru Íslendingarnir komnir á síðasta þrepið. Þeir eru einu skrefi frá fullgildri aðild.

Lögreglan hefur miklar áhyggjur af þessu enda er reynsla kollega þeirra, meðal annars í Danmörku og Noregi, sú að vítisenglum fylgi fíkniefnaviðskipti, handrukkanir og mansal.

Á meðal þess sem lögreglan kannar nú eru boð sem MC Iceland hefur sent til vítisengla víðs vegar um heimi þar sem þeim er boðið til veislu í klúbbhúsi MC Iceland í Hafnarfirði á gamlárskvöld. Í veislunni verður samkvæmt boðskortinu, plötusnúðar, glaðar konur og áfengi.

Lögreglan hefur oftast gripið til umfangsmikilli aðgerða þegar vítisenglum er boðið hingað til lands. Fjölmörgum þeirra hefur verið snúið til síns heim strax við komuna til landsins.

Samkvæmt upplýsingum fréttastofa vinnur lögregla nú að því að afla sér upplýsinga um málið og kannar hvort og þá hverjir munu þiggja þetta boð. Í framhaldinu verður tekin ákvörðun um til hvaða aðgerða verður gripið.