Búið að raða í styrkleikaflokka fyrir umspilið

FIFA hefur gefið út hvernig Evrópuþjóðunum átta sem komust í umspilið í undankeppni HM 2010 hefur verið skipt í tvo styrkleikaflokka fyrir dráttinn síðar í dag.

Dregið verður í hádeginu í dag en það þótti afar umdeilt þegar þetta fyrirkomulag var ákveðið.

Sérstaklega voru Írar óánægðir með þetta en forráðamönnum írska knattspyrnusambandsins fannst þetta stríða gegn því að öll lið eigi jafna möguleika á að komast á HM.

Miðað var við stöðu liðanna á heimslista FIFA við niðurröðun liðanna í styrkleikaflokka. Nú geta fjögur sterkustu liðin samkvæmt listunum ekki mæst innbyrðis í umspilinu.

Efri styrkleikaflokkur:

Frakkland

Rússland

Portúgal

Grikkland

Neðri styrkleikaflokkur:

Úkraína

Írland

Bosnía

Slóvenía