Michel Salgado genginn í raðir Blackburn

Reynsluboltinn Michel Salgado hefur ákveðið að skrifa undir tveggja ára samning við Blackburn en leikmaðurinn fékk sig lausan undan samningi við Real Madrid fyrr í sumar eftir tíu farsæl ár með félaginu.

Hinn 33 ára gamli Salgado vann spænsku deildina fjórum sinnum, Meistaradeildina tvisvar sinnum og UEFA-bikarinn einu sinni ásamt fleiri titlum á ferli sínum með Real Madrid og kemur því með gríðarlega mikla reynslu til Blackburn.

Auk þess sem bakvörðurinn sókndjarfi á að baki 53 landsleiki fyrir Spán.