Enn fundað í fjárlaganefnd

Kristján Þór Júlíusson, einn fulltrúa Sjálfstæðisflokks í fjárlaganefnd, segir enn unnið að fyrirvaraleiðinni í nefndinni. Enn hefur nefndin ekki náð saman.

Aðspurður hvort hann teldi að sátt næðist út fyrir stjórnarflokkana um afgreiðslu málsins sagðist Kristján vona það og sagði ekkert útilokað í því, þó enn lægi slík sátt ekki fyrir.

Kristján segir að það skýrist mjög fljótlega hvort málið nái út úr nefndinni fyrir morgundaginn, og útilokar ekki að það takist.

Fjárlaganefnd hefur fundað stíft um málið í allan dag.