Boðar lagasetningu gegn byssu- og hnífamönnum

Að undanförnu hefur danska þjóðin upplifað fleiri fréttir af skotárásum og hnífsstungumálum en áður þekktist. Birthe Rønn Hornbech, ráðherra innflytjendamála í dönsku ríkisstjórninni, segir að nú sé komið nóg og boðar lagasetningu.

Samkvæmt frétt á vef Danska ríkisútvarpsins er ráðherrann tilbúinn með lagafrumvarp sem felur í sér að allir útlendingar sem verða dæmdir í fangelsi fyrir brot á vopnalögum verður vísað úr landi. „Við verðum að gera allt sem við getum til þess að koma þeim skilaboðum að við líðum þetta ekki. Þeir sem ekki þurfa að vera í landinu mega vita að þeir eiga á þeirri hættu að þeim verði vísað úr landi," segir ráðherrann í samtali við DR.

„Ég er á því að við herðum lögin eins mikið og við getum. Við getum ekki sætt okkur við það ástand sem hefur verið hér í Danmörku," segir ráðherrann.