Innlent

Tveir Íslendingar og einn Hollendingur um borð í skútunni

Sérsveitarmenn síga niður í varðskipið TÝ.
Sérsveitarmenn síga niður í varðskipið TÝ. MYND/LANDHELGISGÆSLAN

Heimildir fréttastofu herma að tveir þeirra sem teknir voru um borð í skútunni í gærkvöldi sem talið er að hafi smyglað rúmlega hundrað kílóum af fíkniefnum til landsins, séu Íslendingar. Þriðji maðurinn sem var um borð í skútunni mun vera Hollendingur.

Það voru menn úr sérsveit Ríkislögreglustjóra sem náðu skútunni á sitt vald í gærkvöldi en mennirnir höfðu reynt að stinga af á bátnum eftir að þeir urðu lögreglu varir. Varðskipið TÝR sigldi skútuna uppi en þá voru þeir staddir miðja vegu á milli Íslands og Hjaltlandseyja.

Friðrik Smári Björgvinsson segir að von sé á TÝ til lands seint í kvöld en skipið er með skútuna í togi og því sækist ferðin þeim heldur seint. Að því búnu verða mennirnir teknir í skýrslutöku og ákvörðun um gæsluvarðhaldskröfu í framhaldi af því.

Landhelgisgæslan
Landhelgisgæslan
Landhelgisgæslan
Papeyjarmálið

Tengdar fréttir

TÝR á leið til hafnar með mennina

Mennirnir þrír sem taknir voru um borð í skútunni sem notuð var í stærsta fíkniefnasmygli sögunnar í gær eru enn um borð í varðskipinu TÝ. Friðrik Smári Björgvinsson hjá rannsóknardeild lögreglunnar á höfuðborgarsvæðinu segir að skipið fari hægt yfir þar sem skútan er með í togi. Hann segir óljóst hvenær von sé á skipinu til hafnar en sennilega verði það ekki fyrr en seint í kvöld.

Einn hinna handteknu áður siglt skútu til Hornafjarðar

Einn hinna handteknu í skútumálinu sem kom upp í dag hefur áður siglt skútu til Hafnar í Hornarfirði. Um er að ræða þrítugan karlmann sem áður hefur verið ákærður fyrir stórfellt fíkniefnasmygl.

Grunaður eiturlyfjasmyglari í meðferð fyrir fjórum mánuðum

Yngsti smyglarinn af þremur sem voru handteknir við Djúpavog og Hornafjörð í gær vegna gruns um tilraun til þess að smygla hundrað kílóum af fíkniefnum til landsins með skútu, var í meðferð fyrir fjórum mánuðum síðan.

Þrír menn handteknir um borð í skútunni

Sérveitarmenn handtóku nú fyrir skömmu þrjá menn um borð í skútu fyrir austan land sem grunur leikur á að hafi verið notuð til að flytja rúmlega 100 kíló af fíkniefnum til landsins. Varðskipið TÝR stöðvaði skútuna eftir langa eftirför.

Nokkrir handteknir og þyrlur lentar

Þyrlur Landhelgisgæslunnar er lentar á Höfn í Hornafirði og Fokker vél gæslunnar var að taka á loft. Ekki þykir ljóst hvað er um að vera en samkvæmt heimildum Vísis þá veitti gæslan smyglskútu eftirför.

Skútunnar enn leitað - tugir kílóa haldlögð

Lögreglan leitar enn að skútunni samkvæmt fréttatilkynningu sem lögreglan sendi frá sér vegna fíkniefnamálsins. Lögreglan hefur lagt hald á tugi kílóa af fíkniefnum en þeir vilja ekki gefa upp hvaða tegund um er að ræða en þær eru fleiri en ein.

Mest lesið


Fleiri fréttir

Sjá meira


×

Mest lesið