Sjö særðir eftir skotárás í Detroit

Sjö manns, þar af allavega fimm menntaskólanemar, voru skotnir í dag á biðstöð strætisvagna í Detroit. Tvö fórnarlambana eru í lífshættu en hinir mikið slasaðir.

Að sögn talsmanns lögreglunnar í Detroit óku tveir - jafnvel þrír - menn upp að biðstöðinni. Þeir stigu út úr bílnum vopnaðir byssum og spurðu um ákveðinn mann sem þeir nefndu á nafn. Því næst hófu þeir skothríðina að mannfjöldanum og hæfðu sjö áður en þeir stigu upp í bíl sinn og óku af stað.

Skotmennirnir voru báðir karlmenn en þeir huldu andlit sín með annað hvort grímum eða bolum.

Enginn hefur verið handtekinn vegna málsins.