Wayne Rooney vill klára ferilinn hjá Manchester United

Wayne Rooney gladdi stuðningsmenn Manchester United í gær þegar hann gaf það út að hann vildi klára ferillinn hjá félaginu. Rooney á enn þrjú og hálft ár eftir að samningnum sínum en ætlar að skrifa undir nýjan þegar þessi rennur út.

„Ég hef alltat sagt að á meðan United vilja mig þá er ég ánægður hjá félaginu," sagði Wayne Rooney í viðtalið við United-blaðið.

„Ég vil ekki fara. Ég elska United og hef engan ástæðu til þess að hugsa um að yfirgefa félagið. Ég er því viss um að ég verð hérna í langan tíma til viðbótar," sagði Rooney.

Hann sækir líka fyrirmyndir í núverandi leikmenn liðsins sem hafa verið lengi í herbúðum United.

„Ég vona að ég sé enn hjá United þegar ég kemst á sama aldur og þeir Ryan [Giggs], Paul [Scholes] og Gary [Neville]," sagði Rooney sem er 23 ára gamall.

Rooney verður ekki með Manchester United gegn Aston Villa í ensku úrvalsdeildinni um helgina þar sem að hann tekur út leikbann eftir að hann var rekinn útaf á móti Fulham á dögunum.