Grínistar fá tækifæri

Spjallþáttastjórnandinn Jay Leno hlakkar til að koma ungum grínistum á framfæri í nýja þættinum sínum sem hefst á sjónvarpsstöðinni NBC 14. september. „Ég vona að fólkið verði frægt og verði boðið að koma fram í öðrum sjónvarpsþáttum,“ sagði Leno, sem hóf feril sinn sem uppistandari.

„Ef einhver myndi segja við mig: „Jay við ætlum að reka þig og ráða í staðinn náungann sem þú uppgötvaðir“ þá yrði það frábært.“

Fyrsti gestur Leno verður Jerry Seinfeld auk þess sem Jay-Z, Rihanna og Kanye West taka lagið. Leno stjórnaði kvöldþætti sínum í sautján ár þangað til Conan O"Brien tók við af honum í júní.