Trapattoni tilbúinn að bjóða Cahill sæti í landsliðshóp

Samkvæmt heimildum Daily Mirror er landsliðsþjálfarinn Giovanni Trapattoni hjá Írlandi að skoða hvort varnarmaðurinn Gary Cahill hjá Bolton sé tilbúinn að spila fyrir Íra en Cahill á að baki landsleiki með U-21 árs landsliði Englands.

Cahill hefur jafnframt í tvígang verið kallaður inn í landsliðshóp Englands síðan Fabio Capello tók við enska landsliðinu en hefur ekki spilað la-andsleik ennþá.

Afi og amma Cahill fæddust á Írlandi og það mun vera nægileg tenging til þess að leikmaðurinn sé gjaldgengur í írska landsliðið en Írar mæta Frökkum í tveimur umspilsleikjum í nóvember um laust sæti á lokakeppni HM næsta sumar.