Drottningin er dönskust allra

Að mati Dana er Margrét drottning þeirra danskari en allt sem danskt er.

Þetta kom í ljós þegar danska dagblaðið Jótlandspósturinn gerði skoðanakönnun, þar sem Danir voru spurðir hver komi helst upp í hugann þegar talað er um Danmörku.

Drottningin varð í efsta sæti, en næstur henni kom ævintýraskáldið H.C. Andersen.

Ungmenni í Danmörku líta hins vegar á leikarann og skemmtikraftinn Dirch Passer sem helsta holdgerving þess að vera danskur.

Samkvæmt sömu skoðanakönnun telja Danir sig almennt vera skemmtilegri, lýðræðissinnaðri og frjálslyndari en aðrar Evrópuþjóðir.