Meintur mannræningi með 500 E-töflur

Maðurinn sem var dæmdur í tíu mánaða fangelsi fyrir að hafa haft undir höndum tæplega 500 E-töflur var handtekinn fyrir stuttu vegna mannráns á Akureyri. Maðurinn heitir Eyþór Helgi Guðmundsson og er tuttugu og fimm ára gamall Akureyringur.

Hann er grunaður um að hafa haldið tvítugum manni nauðugum heima hjá sér á Akureyri. Með honum var kærasta Eyþórs en hún er sökuð um að hafa ekki komið manninum til hjálpar. Þá var þriðji maðurinn með Eyþóri.

Lýsingarnar á mannráninu er hrottalegar. Meðal annars á Eyþór og félagi hans að hafa misþyrmt manninum næturlangt með því að lemja hann með járnröri. Þá eiga þeir að hafa kveikt í klósettpappír og hent honum logandi í manninn sem þau sviptu frelsinu.

Ástæðan mun hafa verið 30 þúsund króna fíkniefnaskuld.

Að lokum kom lögreglan á vettvang og frelsaði manninn.

Þrennt var handtekið og öll voru þau úrskurðuð í gæsluvarðhald í kjölfarið.

Nú hefur Eyþór verið dæmdur í tíu mánaða fangelsi fyrir að hafa átt tæplega 500 E-töflur.

Efnin faldi hann hjá móðursystur sinni síðustu jól. Hún fann efnin í poka og fór með til lögreglunnar. Þá var Eyþór búinn að vera á skilorði í hálft ár vegna annarra afbrota.

Samkvæmt dómsorði hefur Eyþór verið dæmdur fjórtán sinnum síðan hann var átján ára gamall. Oftast fyrir fíkniefnabrot, þó einnig umferðalagabrot og líkamsárásir.

Frelsissviptingin á Akureyri er enn til rannsóknar og miðar vel.