Lokaumræðan um Icesave á morgun

Fjárlaganefnd Alþingis tókst ekki að ljúka umfjöllun sinni um fyrirvaranna við Icesave frumvarpið á fundi sínum í nótt en nefndin kemur saman á nýjan leik klukkan tvö. Þingflokkarnir funda áður um málið. Guðbjartur Hannesson, formaður fjárlaganefndar, segir að skapist sátt um afgreiðslu málsins í nefndinni verði málið af öllum líkindum tekið til lokaumræðu á morgun.

Fjárlagalefnd hefur verið með málið til umfjöllunar eftir að breytingartillögur við frumvarpið, eða fyrirvarar, voru samþykktar eftir aðra umræðu í þinginu á fimmtudag í síðustu viku. Fyrirvararnir nutu stuðnings nær allra allra þingmanna nema Framsóknarflokksins.

Fjárlaganefnd fundaði fram á nótt en afgreiddi ekki breytingartillögurnar úr nefndinni því kynna þurfti þær fyrir þingflokkunum. Guðbjartur segir að tillögur nefndarinnar verði líklast dreift síðar í dag.

Meginverkefni nefndar hefur verið að fá úr því skorið hvort að fyrirvarar Alþingis haldi gagnvart Bretum og Hollendingum.