Eiður aftur í enska boltann?

Eiður Smári Guðjohnsen gæti verið á leið aftur í enska boltann. Þetta segir faðir hans, Arnór Guðjohnsen, í samtali við BBC. Hann segir að eitt enskt úrvalsdeildarlið hafi sýnt mikinn áhuga á að fá Eið.

„Hann er klárlega áhugasamur um að fara aftur til Englands en er ekkert að flýta sér að taka ákvörðun. Eiður og fjölskylda hans hafa komið sér vel fyrir í Barcelona og hann á tvö ár eftir af samningi sínum. Hinsvegar fékk hann ekki mikið að spila síðasta tímabil," sagði Arnór.

Enskir fjölmiðlar segja að West Ham og Newcastle hafi bæði áhuga á því að fá Eið Smára í sínar raðir.