Ronaldo íhugar að segja skilið við Evrópu

Framherjinn Ronaldo er nú að verða búinn að ná sér af hnémeiðslunum sem hann varð fyrir í leik með AC Milan fyrir um átta mánuðum síðan.

Hinn 32 ára gamli markaskorari hefur verið orðaður við mörg lið að undanförnu og er með lausa samninga. Í sjónvarpsviðtali í heimalandinu sagði hann ekki útilokað að hann væri búinn að spila sinn síðasta leik í Evrópu.

"Ef allt verður í lagi væri ég til í að halda áfram að spila með Flamengo. Ég er búinn að vera í Evrópu í 16 ár. Flamengo er uppáhaldsliðið mitt en ég vil ekki að mér séu gerðir neinir greiðar þar. Ég vil eiga skilið að fá að spila," sagði Ronaldo, sem lék með Flamengo sem lánsmaður frá Milan.

Hann útilokar heldur ekki að hætta að spila ef hann nær sér ekki að fullu. "Ég æti lagt skóna á hilluna ef ég verð ekki góður af meiðslunum. Það er engin tilgangur með því að spila ef maður hefur misst allan hraða. Ég hef þegar náð af mér nokkrum kílóum en þarf að missa fleiri," sagði Ronaldo, sem hefur ekki gefið landsliðið upp á bátinn.

"Ég er særður hermaður sem er að ná sér - en ég er ekki dauður. Landsliðið er partur af lífi mínu og þar á ég ríka sögu sem vörðuð er sigrum og töpum. Mig dreymir enn um landsliðið," sagði Ronaldo.