Ragnheiður: Þokkalega sátt við sundið - Myndir

Ragnheiður Ragnarsdóttir var sæmilega sátt við frammistöðu sína í morgun þegar hún kom í mark á 56,35 sekúndum í undanrásum 100 metra skriðsundi á Ólympíuleikunum.

"Ég fílaði mig ágætlega fyrstu 50 metrana en svo kom smá stopp á mig eftir 75 metra. Þá fann ég allt í einu erfiði en ekkert til að tala um. Þetta var alveg ágætt og ég er þokkalega sátt við sundið," sagði Ragnheiður Ragnarsdóttir sem varð í 35. sæti af 48 keppendum í 100 metra skriðsundi áðan.

"Ég hef ekki alveg verið að springa út í 100 metra sundinu og hef einbeitt mér meira að 50 metra sundinu. Því var um að gera að hafa gaman af þessu og ég gerði það."