Totti ekki með Roma gegn United

Það hefur nú verið staðfest að Francesco Totti, fyrirliði og markahæsti leikmaður Roma, verður ekki með þegar að hans menn taka á móti Manchester United í fyrri viðureign liðanna í fjórðungsúrslitum Meistaradeildar Evrópu annað kvöld.

Totti meiddist í leik með Roma um helgina en talið er að Mirko Vucinic muni taka stöðu hans í byrjunarliðinu.

Nani, leikmaður United, er eini leikmaður liðsins sem hefur komið við sögu í öllum leikjum þess í Meistaradeildinni á tímabilinu en hann er nú frá vegna meiðsla.

Edwin van der Sar lék ekki með United um helgina en verður væntanlega í markinu á morgun.