Erlent

Óútskýranleg flóðbylgja í Færeyjum

Óli Tynes skrifar
Hvannasund í Færeyjum.
Hvannasund í Færeyjum.

Íbúar við Hvannasund í Færeyjum hafa verið varaðir við að vera niðri í fjöru eftir óútskýranlega flóðbylgju sem gekk þar yfir í gær.

Það varð mikil ólga í sjónum og svo reis hann þrjá metra yfir varnargarð bæjarins. Þegar hann streymdi út aftur sást niður á hafsbotninn þar sem fiskar sprikluðu. Engan sakaði og engar skemmdir urðu á mannvirkjum.

"Við vitum ekkert hvað gerðist," segir Lis Mortensen, landfræðingur hjá Orku- og jarðfræðistofnun Færeyja. Hún segir að yfirvöld hafi varað fólk við að fara niður í fjöru.

Hvannasund er á Færeyjunum norðanverðum. Enginn jarðskjálfti var á undan þessu fyrirbæri.

Lis Mortensen segir að hugsanlega hafi fallið risaskriða úr fjalls- eða klettahlíð niður í sjó.

Enginn hafi séð merki um slíkt, en það geti verið vegna þess að skriðan hafi orðið undir sjávarmáli.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.