Walcott með þrennu í Króatíu - úrslit kvöldsins

Englendingar náðu að hefna ófaranna frá því að Króatar sáu til þess að þeir komust ekki á EM 2008 með 4-1 sigri í Króatíu í kvöld. Fjölmargir leikir fóru fram í undankeppni HM 2010 í kvöld.

Unglingurinn Theo Walcott gerði sér lítið fyrir og skoraði þrennu í leiknum. Hann kom Englandi yfir í leiknum en undir en undir lok fyrri hálfleiks fékk Robert Kovac að líta rauða spjaldið fyrir að gefa Joe Cole olnbogaskot.

Walcott skoraði öðru sinni snemma í síðari hálfleik en Wayne Rooney, sem átti einnig stórleik í kvöld, bætti því þriðja við aðeins fjórum mínútum síðar.

Marijo Mandzukic minnkaði muninn þegar tólf mínútur voru til leiksloka en Walcott skoraði sitt þriðja mark aðeins fjórum mínútum síðar.

Allt annað var að sjá til enska liðsins í dag en gegn Andorra um helgina. Liðið spilaði glimrandi vel og eru með fullt hús stiga eftir fyrstu tvær umferðirnar.

Þetta var fyrsta tap Króatíu í keppnisleik á heimavelli og því hefndin sérstaklega sæt fyrir Fabio Capello og hans menn.

Þetta var einnig sigur fyrir Capello sem ákvað að halda tryggð við Walcott í stað þess að setja David Beckham aftur í liðið. Walcott þótti eiga stórleik og er orðinn nú að þjóðhetju í heimalandi sínu.

Úrslit annarra leikja í undankeppni HM 2010 í kvöld:

1. riðill:

Svíþjóð - Ungverjaland 2-1

Albanía - Malta 3-0

Portúgal - Danmörk 2-3

2. riðill:

Moldóva - Ísrael 1-2

Lettland - Grikkland 0-2

Sviss - Lúxemborg 1-2

3. riðill:

San Marínó - Pólland 0-2

Norður-Írland - Tékkland 0-0

Slóvenía - Slóvakía 2-1

4. riðill:

Rússland - Wales 2-1

Aserbaídsjan - Liechtenstein 0-0

Finnland - Þýskaland 3-3

5. riðill:

Tyrkland - Belgía 1-1

Bosnía - Eistland 7-0

Spánn - Armenía 4-0

6. riðill:

Kasakstan - Úkraína 1-3

Andorra - Hvíta-Rússland 1-3

Króatía - England 1-4

7. riðill:

Færeyjar - Rúmenía 0-1

Litháen - Austurríki 2-0

Frakkland - Serbía 2-1

8. riðill:

Svartfjallaland - Írland 0-0

Ítalía - Georgía 2-0

9. riðill:

Ísland - Skotland 1-2

Makedónía - Holland 1-2

0-1 Johnny Heitinga (46.), 0-2 Rafael van der Vaart (60.), 1-2 Goran Pandev (77.).