Sölvi tryggði Djurgarden sigur

Djurgarden komst í dag á toppinn í sænsku úrvalsdeildinni í knattspyrnu þegar liðið lagði Halmstad 2-1. Sölvi Geir Ottesen kom inn sem varamaður hjá Djurgarden og skoraði sigurmarkið í leiknum.

Elfsborg og Örebor skildu jöfn 0-0 þar sem Helgi Valur Daníelsson var í byrjunarliði Elfsborg. Helsingborg gerði 2-2 jafntefli við Gefle heima og mistókst fyrir vikið að komast á topp deildarinnar.

Lærisveinar Sigurðar Jónssonar í Djurgarden eru því á toppi deildarinnar með 10 stig eftir fjórar umferðir og Helsingborg og Elfsborg eru í 2.-3. sæti með 8 stig.