Ísland í afar erfiðum riðli á EM

Ísland var dregið í afar sterkan riðil í úrslitakeppni EM 2009 sem fer fram í Finnlandi næsta sumar. Ísland er með heims- og Evrópumeisturum Þýskalandi í riðli.

Þar að auki er liðið með fyrrum Ólympíumeisturum Noregs í riðli sem og Frakklandi sem liðið lék með í undankeppninni.

Ísland vann fyrri leikinn gegn Frökkum á heimavelli, 1-0, en tapaði í Frakklandi, 2-1.

Það var fyrirfram ákveðið að Finnland yrði í A-riðli og var Þýskaland og Svíþjóð sett í fyrsta styrkleikaflokk. Þau tvö lið voru dregin í hina riðlana og hafði Sigurður Ragnar Eyjólfsson, landsliðsþjálfari Íslands, vonast til að sleppa við þá riðla. 

Ísland var í þriðja styrkleikaflokki ásamt Ítalíu, Hollandi, Rússlandi og Úkraínu og átti því möguleika að dragast í riðil með eitt þessara riðla.

Ísland var hins vegar eina liðið úr þriðja styrkleikaflokki í B-riðli og drógust Noregur og Frakkland úr öðrum styrkleikaflokki.

B-riðill er einnig eini riðilinn með tvö lið úr öðrum styrkleikaflokki. Það má því til sanns vegar færa að um engan happadrátt var að ræða.

A-riðill:

Finnland

Úkraína

Danmörk

Holland

B-riðill:

Þýskaland

Ísland

Noregur

Frakkland

C-riðill:

Svíþjóð

England

Rússland

Ítalía