Sóley Tómasdóttir: Kynjaskipt leikföng hefta val barna

Eins og Vísir greindi frá í dag eru leikföngin sem fylgja barnaboxum á McDonald's þessa dagana skipt eftir kynjum og fá strákar myndir af leikmönnum á EM og stelpur leikföng tengt dansi.

Vísir leitaði til Sóleyjar Tómasdóttur, varaborgarfulltrúa og femínista hvað henni fyndist um að McDonald's væru með kynjaskipt leikföng. Um málið sagði hún ,,Þetta er gott dæmi um að samfélagið ákveður fyrirfram fyrir einstaklinga". Hún taldi þetta hefta val bæði stelpna og stráka.

,,Þetta snýst um að fólk hefur ekki val" sagði Sóley og tók dæmi af fæðingadeildum þar sem foreldrar eru ekki spurðir hvort börn þeirra séu klædd í bleikt eða blátt. Hún áleit að McDonald's ætti að spyrja krakka fremur hvað leikföng þau vildu þegar tvennt væri í boði eins og er þessa dagana á McDonald's í stað þess að ákveða fyrir fram hvað börnin myndu kjósa.