Tvöfalt fleiri rauð spjöld en í fyrra

Alls voru níu rauð spjöld gefin í sjöttu umferð Landsbankadeildar karla en þau hafa alls verið sextán það sem af er mótinu. Það er tvöfalt fleiri brottvísanir að meðaltali frá síðasta ári.

Samkvæmt upplýsingum á heimasíðu KSÍ voru alls 20 rauð spjöld gefin í Landsbankadeild karla í fyrra. Það gerir 0,22 brottvísanir að meðaltali í hverjum leik en meðaltalið nú í ár er 0,44 brottvísanir í leik til þessa.

Níu brottvísanir í einu og sömu umferðinni er sjálfsagt með því allra mesta sem sést hefur í efstu deild karla frá upphafi. Það er rétt tæplegur helmingur allra rauðra spjalda sem voru gefin á öllu mótinu í fyrra.

Hér að neðan má sjá upplýsingar um fjölda rauðra spjalda í efstu deild karla á undanförnum árum:

2008 - 16 rauð (0,44 að meðaltali)

2007 - 20 (0,22)

2006 - 28 (0,31)

2005 - 24 (0,27)

2004 - 25 (0,28)

2003 - 23 (0,26)

2002 - 23 (0,26)

2001 - 20 (0,22)

Fjöldri rauðra spjalda í ár, eftir liðum:

Grindavík - 5 brottvísanir

ÍA - 3

Valur - 2

Fylkir - 2

FH - 1

Keflavík - 1

Fjölnir - 1

KR - 1

Fram - 0

Þróttur - 0

Breiðablik - 0

HK - 0