Ísland getur verið fyrirmynd

Ísland getur verið fyrirmynd annarra þjóða þegar kemur að orkumálum og lausnum á loftslagsvandamálum. Þetta sagði Ólafur Ragnar Grímsson, forseti Íslands, í setningarræðu á ráðstefnu um hlutverk smáríkja í alþjóðlegum friða- og öryggismálum. Ráðstefnan er haldin í höfuðstöðvum Sameinuðu þjóðanna í New York. Ræða forsetans var tekin upp á myndskeið fyrirfram og flutt í gegnum fjarfundabúnað í dag.

„Í þeim alheims fjármálafellibyl sem nú ríður yfir, hefur Ísland auk annarra minnst þess að nota samlíkingu, sem er þannig að þegar fellibylur fer yfir hafið í átt að voldugum meginlöndum liggur leið hans iðulega í gegnum smáeyjar þar sem eyðilegging getur orðið mikil," sagði forsetinn í ávarpi sínu.

Forsetinn sagði hins vegar að reynslan hefði sýnt að vegna sveigjanleika og mikillar samhjálpar sem einkenndi smáríki, ættu samfélög þeirra oft auðvelt með að ná sér á strik. „Íslendingar vita að þrátt fyrir þann fjárhagsvanda sem steðjar að, eru grunnstoðirnar styrkar," sagði Ólafur Ragnar. Hann nefndi sem dæmi orkulindir Íslands, sjávarauðlindir, hreint vatn og fallega náttúru.