KSÍ kom í veg fyrir sögulegan landsleik

KSÍ kom í veg fyrir að feðgarnir Eiður Smári og Arnór Guðjohnsen léku saman í landsleik fyrir tólf árum að sögn fyrrverandi landsliðsþjálfara.

Þetta er meðal þess sem fram kemur í heimildaþættinum 10 bestu á Sport 2 sjónvarpsrásinni í kvöld.

Eiður kom inn á fyrir föður sinn í landsleik gegn Eistlandi þann 24. apríl 1996. Það var gert vegna fyrirætlanna KSÍ um að þeir myndu leika saman í landsleik gegn Makedóníu einum og hálfum mánuði síðar.

En þá tóku örlögin í taumana. Eiður Smári meiddist illa í U19 landsleik gegn Írum og sögulegt tækifæri rann því úr greipum KSÍ. Logi Ólafsson segist í viðtali í heimildaþættinum 10 bestu sjá eftir því að hafa tekið þátt í þessu "plotti" KSÍ.

Smelltu á hlekkinn hér að ofan til að sjá brot úr þættinum 10 bestu sem fjallar ítarlega um málið.