Góður sigur Brann á Deportivo

Brann vann í kvöld 2-0 sigur á Deportivo La Coruna í UEFA-bikarkeppninni. Ólafur Örn Bjarnason skoraði fyrra mark Brann úr vítaspyrnu.

Bæði mörk Brann komu í fyrri hálfleik en auk Ólafs Arnar voru þeir Kristján Örn Sigurðsson, Gylfi Einarsson og Ármann Smári Björnsson í byrjunarliði Brann. Birkir Már Sævarsson var á varamannabekk Brann.

Leikurinn fór fram í Noregi en Brann er þó í góðri stöðu fyrir síðari viðureign liðanna.

Þá vann Rosenborg nokkuð óvæntan 2-1 sigur á Bröndby í Danmörku í kvöld. Stefán Gíslason lék allan leikinn í liði Bröndby.