Fáránlega lítil hugmynd varð að veruleika

Dans og tónverkið Draumar eftir saxofónleikarann Einar Braga Bragason og Irmu Gunnarsdóttur, sem frumflutt var í aðgöngum Kárahnjúkavirkjunar á Jazzhátíð Austurlands 25. Júní síðastliðinn, verður sýnt 22 ágúst í Gvendarbrunnum. Vísir hafði samband við Einar Braga og forvitnaðist um tónverkið.

„Flutningurinn var geggjaður að því leiti að fólk komst ekki inn í göngin fyrr en verkið var flutt," segir Einar Bragi aðspurður um viðbrögð gesta á djasshátíðinni en hátt í 500 manns sá verkið.

Fáránlega líltil hugmynd

„Þetta er einstök blanda af nútíma dansi, djassi, klassík og poppi. Þetta er eitt það magnaðast sem ég hef gert um æfina og ég hef spilað inn á fjölda platna. Til að byrja með var þetta fáránlega lítil hugmynd sem varð til hér á Seyðisfirði."

„Jú jú við rákumst á nokkra veggi á leiðinni. Að fá að fara ínn í Gvendarbrunna hjá Orkuveitunni er meira en að segja það en þeir ætla að hjálpa okkur að gera þetta að veruleika kvöldið fyrir menningarnótt."

„Við æfðum verkið vel í sumar fyrir djásshátíðina. Það er það stutt síðan þá og því er þetta ennþá í hausnum á okkur. Við erum alls sextán manns sem komum að þessu. Um er að ræða landslið tónlistarmanna og dansara á Íslandi."

Hrátt húsnæði hentaði

„Í sumar kom út diskur með verkinu og salan hefur farið fram úr öllum vonum en þetta er svona seiðmagnaður jazz. Persónulega er ég að brjótast úr mínum rokksaxafón kassa og prófa eitthvað nýtt en það skemmtilegasta við tónlistina er að maður er alltaf að reyna eitthvað nýtt og spennandi."

„Við ætlum að nota Gvendarbrunna í Reykjavík ef mætti kalla það húsnæði. Við vildum vera í hráu húsnæði og svo fékk Irma hugmyndina en hún sér um dansinn við tónlistina sem ég samdi."

Tóku upp náttúruhljóð

„Við vorum með náttúruhljóð á fjórum stöðum á leiðinni inn í göngin í átt að staðnum þar sem tónverkið var flutt. Það var til dæmis hverahljóð, lækjarniður og hljóð frá höfninni. Hljóðin komu úr veggjunum í myrkrinu þar sem fólkið gekk í gegn og síðan biðum við eftir gestunum þar sem vel heppnað samspil hljóðs, dans, tónlistar og eftirvæntingar sameinaðist. "

„Þessi ákvörðun hefur blundað í okkur lengi og við fengum aðila með okkur í verkefnið. Orkuveita Reykjavíkur, Alcoa, Menningarnótt, JSB, JEA og Flugfélag Íslands eru okkar bakhjarlar," segir Einar Bragi.

Verkið verður flutt í Gvendarbrunni föstudagköldið fyrir menningarnótt, 22. ágúst klukkan átta. Sjá Draumar á Youtube hér.