Eiður vill Liverpool í næstu umferð

Eiður Smári Guðjohnsen sagði eftir leik Barcelona og Stuttgart í gær að hann vildi mæta Liverpool í 16-liða úrslitum Meistaradeildarinnar.

„Ég vil fá Liverpool í 16-liða úrslitum. Ég við hefna fyrir það sem gerðist í fyrra," sagði Eiður en Liverpool sló út Barcelona á því stigi keppninnar í fyrra, þó svo að Eiður Smári hafi skorað fyrir Börsunga á Anfield Road.

Hann sagði annars að leikurinn við Stuttgart hafi verið vel leikinn af hálfu Barcelona.

„Við vorum þolinmóðir og lékum mjög vel. Nú þurfum við að einbeita okkur að deildinni og eru tveir mikilvægir leikir framundan."

Barcelona vann leikinn í gær, 3-1.