Spjörum okkur án Fabregas

Arsene Wenger hefur ekki áhyggjur af leiknum við Slavia Prag í Meistaradeildinni í kvöld þó hann hafi ákveðið að hvíla hinn magnaða Cesc Fabregas í leiknum.

Arsenal verður án fjögurra lykilmanna í kvöld, en liðið vann fyrri leik liðanna eftirminnilega 7-0 á Emirates um daginn.

"Það er alltaf ákveðin áhætta fólgin í því að breyta liðinu en ég treysti þeim sem ég set í liðið. Gilberto kemur í stað Fabregas og hann er nú fyrirliði brasilíska landsliðsins, svo það flokkast nú varla undir að taka áhættu að setja hann í liðið. Cesc er búinn að spila næstum hverja einustu mínútu hjá okkur á leiktíðinni og það yrði slæmt fyrir okkur ef hann myndi meiðast. Það er því fínt að geta gefið honum smá hvíld," sagði Wenger.

Leikur Slavia og Arsenal hefst klukkan 19:45 eins og aðrir leikir kvöldsins og er sýndur beint á Sýn Extra 2.