Megum ekki gera fleiri mistök

Norski varnarmaðurinn John Arne Riise segir Liverpool ekki mega við því að gera fleiri mistök ef það ætli sér að komast upp úr riðlakeppni Meistaradeildarinnar. Liðið á fyrir höndum erfiðan leik gegn Besiktas í Istanbul í kvöld.

"Við vitum hvað er í húfi í kvöld. Við erum aðeins með eitt stig eftir fyrstu tvo leikina og það er alls ekki nógu gott. Við verðum að fá öll stigin í kvöld og svo verðum við að vinna Besiktas aftur þegar þeir koma á Anfield í næsta leik. Þá verðum við aftur komnir í aðstöðu til að komast áfram," sagði Riise.

Leikur Besiktas og Liverpool verður sýndur beint á Sýn í kvöld og hefst útsending klukkan 18:30. Leikur Chelsea og Schalke verður sýndur beint á Sýn Extra á sama tíma og leikur AC Milan og Shakhtar Donetsk á Sýn Extra 2.