Torres fer ekki til Istanbul

Liverpool verður án framherjans Fernando Torres í leiknum gegn Besiktas í Meistaradeildinni annað kvöld. Torres er enn meiddur á læri og var heldur ekki með þegar Liverpool lék við granna sína í Everton um helgina.

Alvaro Arbeloa er einnig meiddur á læri og þeir Daniel Agger, Harry Kewell og Fabio Aurelio eru sem fyrr meiddir. Miðjumaðurinn Xabi Alonso fór hinsvegar með til Istanbul eftir að hafa jafnað sig af ristarmeiðslum.

Hópur Liverpool: Reina, Finnan, Carragher, Hyypia, Riise, Benayoun, Gerrard, Mascherano, Sissoko, Alonso, Pennant, Crouch, Voronin, Kuyt, Babel, Lucas, Hobbs, Itandje.