12 börn á sjúkrahús eftir flugskeytaárás í Ísrael

Tólf börn voru flutt á sjúkrahús í bænum SDEROT í suðurhluta Ísraels eftir að flugskeyti lenti í garðinum við leikskólann þar í bæ í morgun.

Sum þeirra voru mjög illa slösuð eftir sprenginguna. Þetta er sjöunda flugskeytið sem skotið hefur verið yfir landamærin frá Gazasvæðinu í morgun og hafa palestínsku JIHAD samtökin lýst tilræðinu á hendur sér.

Mikil reiði hefur gripið um sig meðal fólks í Ísrael eftir atvikið. Foreldrar grunnskólabarna í Sderot höfðu hótað því fyrir helgi að senda ekki börn sín í skóla við upphaf skólaárs af ótta við að börnin yrðu skotmark palesínskra hryðjverksamtaka. Yfirvöld lofuðu hins vegar að öryggis barna í grunn- og leikskólum yrði gætt að fullu og því kemur árásin eins og reiðarslag fyrir bæjarbúa.