Santa Cruz vill fara frá Bayern Munchen

Paragvæski framherjinn Roque Santa Cruz, er ákveðinn í að komast frá Bayern Munchen, en hann er sagður vera ofarlega á óskalista Manchester City og Blackburn. Framherjinn hefur átt erfitt hjá félaginu upp á síðkastið og er aftarlega í goggunarröðinni hjá Uli Hoeness, framkvæmdastjóra Bayern.

Hoeness segist þó ætla að reyna að halda leikmanninum sem lengst hjá félaginu því að í augnablikinu eru aðeins Santa Cruz og Miroslav Klose leikfærir í framherjastöðunni, en Luca Toni, Lukas Podolski og Jan Schlaudraff eru allir meiddir. „Ég get ekki hugsað mér að vera lengur. Ég vona að ég verði seldur í þessari viku," sagði Santa Cruz.