Skemmdarverk unnin á Litlu hafmeyjunni

Enn einu sinni hefur Litla hafmeyjan í Kaupmannahöfn orðið fyrir barðinu á skemmdarvörgum. Þegar menn fóru á stjá í gær sáu þeir að rauðri málningu hafði verið slett á andlit, brjóst og kjöltu þessa frægasta kennileiti borgarinnar.

Við hlið styttunnar hafði verið komið fyrir litlu skilti sem á stóð "av!" sem á íslensku myndi útleggjast "Á!". Lögregla hefur enga hugmynd um hver stóð fyrir þessum gjörningi eða hvort hann tengist óeirðunum í Kristjaníu undanfarna daga. Hafmeyjan var máluð bleik fyrr á þessu ári og fyrir fjórum árum var hún sprengd í loft upp.