Allsnakin hefnd

Skilnaðurinn hafði verið bitur. Hinn 42 ára gamli Dani hafði verið borinn út úr húsi sínu og kærustu sinnar með fógetavaldi. Auk þess hafði verið sett á hann nálgunarbann. Hann vildi hefna sín. Kærastan rak eigið ráðgjafafyrirtæki. Honum tókst að stela listanum yfir viðskiptavini hennar. Og sendi þeim nektarmyndir af henni í allskonar stellingum.

Í undirrétti var hann dæmdur í fimm mánaða fangelsi. Og til þess að greiða 250.000 krónur í miskabætur. Eystri landsréttir mildaði hinsvegar dóminn í dag. Þrír mánuðir af fangelsisdóminum voru skilorðsbundnir. Hina tvo þótti hann hafa afplánað í gæsluvarðhaldi. Sektin var lækkuð niður í 100.000 krónur. Svo var honum ráðlagt að fá sér nýtt líf.