Sagaði af sér höfuðið

Þýskir lögreglumenn sem voru sendir að húsi í Köln segja að þeir hafi sjaldan upplifað aðra eins aðkomu. Aldraður maður hafði hringt í neyðarlínuna, en þagnað í miðri setningu. Ástæðuna sáu lögregluþjónarnir strax. Sjötugur maðurinn lá í blóði sínu eftir að sonur hans hafði stungið hann til bana með hnífi.

Annarsstaðar í íbúðinni fundu þeir svo líkið af 26 ára gömlum syninum. Hann hafði sagað af sér höfuðið með vélsög. Sögin lá við hliðina á líkinu, sem og höfuð þess. Alf Williwacher, talsmaður lögreglunnar segir að ekki sé talið að aðrir hafi komið við sögu en þeir feðgar.

Enginn veit enn hvert var upphafið að þessum fjölskylduharmleik.