Erlent

Frakkar spara vatnið

Gripið hefur verið til vatnsskömmtunar í sjö af 96 sýslum Frakklands því þar í landi óttast menn sumarþurrka. Landbúnaðarráðuneytið segir að nú þegar sé neikvæð staða á vatnsbirgðum í nokkrum sýslum. „Regluleg þurrkatímabil síðustu ára og óvenju miklir hitar að undanförnu gefa okkur tilefni til að óttast að sumarið verði þurrt," segir talsmaður ráðuneytisins.

 

 

Frakkar gripu einnig til vatnsskömmtunar víða um land síðasta sumar. Þá var gripið til ýmissa ráða, bann var lagt við bílaþvotti, sundlaugar mátti ekki fylla og bændur þurftu að takmarka vökvun á ökrum sínum.

Mest lesið


Fleiri fréttir

Sjá meira


×

Mest lesið